ಜೆಪಿ ನಾಪತ್ತೆ!

ಜೆಪಿ ೨ ವಾರ ವಿಕ ಕಚೇರಿಯಲ್ಲಿ ಕಾಣಿಸಿಕೊಂಡಿರಲಿಲ್ಲ!

ಪೊಲೀಸರು ಹುಡುಕಿಕೊಂಡು ಬಂದರು ಎಂಬ ಕಾರಣಕ್ಕೆ ಹೀಗೆ ಎಂದು ಪ್ರತ್ಯೇಕವಾಗಿ ಹೇಳಬೇಕೇ?

ವಿಕ ಕಚೇರಿಯಲ್ಲಿ ಎಲ್ಲರು ಜೆಪಿ ತಲೆಮರೆಸಿಕೊಂಡಿದ್ದಾರೆ ಎಂದು ಅಂದುಕೊಂಡಿದ್ದರು. ಆದರೆ ೨ ದಿನದಿಂದ ಅವರು ಕಚೇರಿಯಲ್ಲಿ ಕಾಣಿಸಿಕೊಂಡಿದ್ದಾರೆ.

ಇದಕ್ಕಿಂತ ತಾಜಾ ಸುದ್ದಿಯೆಂದರೆ ಜೆಪಿಯನ್ನು ಬೆಂಬಲಿಸಬೇಕು ಎಂದು ವಿಕ ಮ್ಯಾನೇಜ್ಮೆಂಟ್ ತೀರ್ಮಾನಿಸಿದೆಯಂತೆ. ಹಾಗೆ ತೀರ್ಮಾನಿಸಿದ್ದೆ ಆದರೆ ನಾವು ವಿಕ ಮ್ಯಾನೇಜ್ಮೆಂಟ್ಗೆ ಕೆಲವು ಪ್ರಶ್ನೆ ಎತ್ತಬೇಕಾಗುತ್ತದೆ.

ಇಲ್ಲಿ ನಾವು ಎತ್ತಿದ್ದ ಪ್ರಶ್ನೆ ತಾತ್ವಿಕವಾದದ್ದು. ವಯಕ್ತಿಕವಾದುದಲ್ಲ. ಓದುಗ ಮಹಾಶಯರೊಬ್ಬರು ವಿ.ಭಟ್ಟರು, ಜೋಗಿ ಬರೆದಿಲ್ಲವೇ? ಎಂಬ ಮಹಾನ್ ಪ್ರಶ್ನೆ ಎತ್ತಿದ್ದಾರೆ. ಹೌದು. ಬರೆದಿದ್ದಾರೆ. ಅವರವರ ಹೆಸರಿನಲ್ಲಿ ಫೋಟೋ ಹಾಕಿ ಬರೆದಿದ್ದಾರೆ. ಪರ್ಮಿಶನ್ ಪಡೆದು ಬರೆದಿದ್ದಾರೆ. ಜೆಪಿಯ  ಹಾಗೆ ಕದ್ದು ಮುಚ್ಚಿ, ಯಾರದ್ದೋ ಹೆಸರಿನಲ್ಲಿ ಬರೆದಿಲ್ಲ. ಮುಖ್ಯವಾಗಿ ಅವರಿಬ್ಬರ ಬರಹದಿಂದ ಯಾರು ಸತ್ತಿಲ್ಲ. 

ಜೆಪಿ ಗುಪ್ತವಾಗಿ, ಪರ್ಮಿಶನ್ ಇಲ್ಲದೆ ಬರೆದಿದ್ದು ಮಾಧ್ಯಮಗಳ ಅಲಿಖಿತ ಸಂವಿಧಾನದ ಪ್ರಕಾರ ತಪ್ಪು. ಹಾಗಿಲ್ಲವಾದಲ್ಲಿ ಯಾರು, ಯಾರ ಹೆಸರಿನಲ್ಲಿ ಏನು ಬೇಕಾದರೂ, ಎಲ್ಲಿಗೆ ಬೇಕಾದರೂ ಬರೆಯಬಹುದು ಎಂದಾಗುತ್ತದೆ. ಹಾಗೆ ಬರೆಯಬಾರದು ಎಂದಾದರೆ ವಿಕ ಮ್ಯಾನೇಜ್ಮೆಂಟ್ ಯಾಕೆ ಯಾಕೆ ಯಾವುದೇ ಕ್ರಮ ಕೈಗೊಂಡಿಲ್ಲ? ಕ್ರಮ ಕೈಗೊಳ್ಳದೆ ಹೋದರೆ ಜೆಪಿ ಮಾಡಿದ್ದನ್ನು ಸಮರ್ಥಿಸಿದಂತಾಯಿತು. ಹಾಗಾದರೆ ಶಿವಮೊಗ್ಗದಲ್ಲಿ ನಡೆದ ಇಬ್ಬರ ಸಾವಿನ ಹೊಣೆ ಹೊರಲು ವಿಕ ಮ್ಯಾನೇಜ್ಮೆಂಟ್ ಸಿಧ್ಧವಿದೆಯೇ?

ವಿಕ ಮ್ಯಾನೇಜ್ಮೆಂಟ್ ಮುಂದೆ ಈಗ ಎರಡು ಆಯ್ಕೆಗಳಿವೆ. ೧) ಜೆಪಿ ಮೇಲೆ ಕ್ರಮ ಕೈಗೊಳ್ಳಬೇಕು. ೨) ೨ ಸಾವಿನ ಹೊಣೆ ಹೊರಬೇಕು. ಸುನೀಲ್ ರಾಜಶೇಖರ ಮತ್ತು ಈ. ರಾಘವನ್ ಯಾವುದನ್ನು ಆರಿಸಿಕೊಳ್ಳುತ್ತಾರೆ ಕಾದುನೋಡೋಣ.